🔥 વ્રજભૂમિ ઇન્ટરનેશનલ સ્કૂલના વિદ્યાર્થીઓને આગજની જાગૃતિ અંગે અમૂલ્ય માર્ગદર્શન

આણંદ, તા. ૧૪ જૂન ૨૦૨૫: આજે સવારે ૯:૧૫ વાગ્યે વ્રજભૂમિ ઇન્ટરનેશનલ સ્કૂલના ૧૧૮ વિદ્યાર્થીઓ અને ૫ શિક્ષકો દ્વારા આણંદ ફાયર એન્ડ ઈમર્જન્સી સર્વિસની અભ્યાસ મુલાકાત લેવામાં આવી.

આ તકે ફાયર ઓફિસર ધર્મેશ ગોરના માર્ગદર્શન હેઠળ સબ ફાયર ઓફિસર વિશાલસિંહ ડોડ, લીડિંગ ફાયરમેન પ્રદીપ પરમાર, ફાયર ડ્રાઈવર સહદેવસિંહ રાઠોડ તથા ફાયરમેન અશોકસિંહ સોલંકી દ્વારા વિદ્યાર્થીઓને અગ્નિના પ્રકારો, આગ લાગતી વખતે કરવાના પગલાં, પ્રાથમિક આગ બુઝાવવાની પદ્ધતિઓ અને બચાવ કામગીરી અંગે વિગતો સાથે માર્ગદર્શન આપવામાં આવ્યું.

વિદ્યાર્થીઓને ફાયર ફાઇટિંગ સાધનોનો ઉપયોગ અને પ્રેક્ટિકલ ડેમો પણ આપવામાં આવ્યો હતો, જેનાથી બાળકોમાં આત્મવિશ્વાસ વધ્યો અને આગ સામેની તૈયારી અંગે જાગૃતિ પ્રેરાઈ.

શાળાઓ અને શૈક્ષણિક સંસ્થાઓમાં આવી જાગૃતિમુલક તાલીમો નિયમિત અપાવવી એ સમયની જરૂરિયાત બની છે.